home   english   sitemap   galerie   artclub   orient online   jukebox   litbox   termine   shop   rooms
ALA'S ROOM

ايه يا بييييييييي

ايه يا بييييييييي

لا تقول اني احيك كثير ترى وعيونك انت عيوني بس استعجل عليك الشيب

تجاعيدك وهمومك الي بيك منهم اجت مش مني

صار الوقت بسعاده تعيش وانا اركب الهم وعنك اشيل

شوفني يا بيييي بروبي الاسود وحصاد سنينك ايام سهرك ارفع فوق فوق فوق راسك يا بييي  عند السما لا اكثر وحياه قدامك وحياه دموعك وحياه الشوك الي غز جفونك وحياه الارض وقمحاتك

وحياه كل رقعه بشروالك

وحياه امي ...... امي يا بيي الي شالت همي لاجفف دمعاتك

علي عقالك شيل الكوفية وغني يا بيي غني ما احلى حمام الدار محلاه على رفوفه ابني جاب الشهاده يا خيو تاع شوفو

بعرف يا بيي الدمعه بعينك والخوف جالك وقلك بعدو الهم ما خلص

هونها يا بيي العدو حاصر بس هاي وعد مني  لارفع راسك

اليوم يومك العيد عيدك امشي زي الملك على هونك

شايفك يا بيي وعارف نفسك تصرخ صرخة بطل وتقول يا زمن شو الي جرالك

بياض الي بالشعر يا بيي مش شيب بس هو حكم الزمن يوم لقانا نلوك الهم اجى وسكن راسك

اه يا بيييييي وين ايامك اليوم جيل الاه ونص ويرحم ايام اهاتك

خليني ابط الي عندي بلكي حدا سمعني وشال الهم وكل همي اليوم اعلي عقالك 

 

بقلم علاء بدارنة

19-6-2006

على هامش حفل الخريجين في جامعه النجاح